Türkmenistanyň Kubogy ugrunda geçirilýän bäsleşigiň çärýekfinalynyň jogap duşuşyklary dowam edýär. 17-nji iýunda geçirilen duşuşyklarda ýene-de iki topar ýarymfinala ýol aldy. Şolaryň biri – paýtagtymyzyň “Köpetdag” stadionynda ýeňiş gazanan “Ahal” topary boldy.

Myhmançylykda çykyş eden “Ahal” topary “Köpetdag” bilen bolan jogap duşuşygynda 1:0 hasabynda ýeňiş gazandy. Duşuşykdaky ýeke-täk pökgini 8-nji minutda Daýanç Meredow geçirdi. Ilkinji duşuşyk 2:2 hasaby bilen deňlikde tamamlanandy. Şeýlelikde, “Ahal” umumy netijä görä ýarymfinala çykmagy başardy.

“Ahal” toparynyň ýarymfinaldaky garşydaşy “Şagadam” bilen “Merw” toparlarynyň arasyndaky duşuşygyň netijesine görä kesgitlener.

Çeşme: Türkmenistanyň Futbol federasiýasy