Türkmenistanyň Kubogynyň ilkinji çärýekfinal duşuşyklary güýçli garşydaşlyk bilen başlady. Arkadag şäherindäki duşuşykda ýerli “Arkadag” topary “Nebitçä” garşy ýokary derejeli çykyş edip, garşydaşyny 6:0 hasabynda ýeňdi. Bu ýeňiş bilen olar jogap duşuşygyndan öň uly artykmaçlyk gazandy.
Duşuşykda “Arkadagyň” futbolçylary – Begenç Akmämmedow, Şanazar Tirkişow, Altymyrat Annadurdyýew, Şamämmet Hydyrow, Didar Durdyýew we Bagtyýar Agabaýew bir-birinden owadan gollary geçirdiler. Şeýle hem duşuşykda birnäçe duýduryş berildi.
Türkmenbaşy şäherinde geçirilen beýleki duşuşykda “Şagadam” bilen “Merwiň” arasyndaky oýun golsuz geçdi – 0:0. Bu duşuşykda hem oýunçular arasynda güýçli garşydaşlyk boldy, birnäçe sary kart berildi.
21-nji maýda galan iki duşuşyk geçiriler: “Altyn Asyr” – “Aşgabat” we “Ahal” – “Köpetdag”. Bu duşuşyklaryň netijesi kubogyň ýarymfinalçylaryny kesgitlär.
