Türkmenistanyň futbol çempionatynyň 9-njy tapgyrynyň jemleýji oýun gününde duşuşyklaryň ikisi geçirildi.

Türkmenbaşy şäherinde geçirilen duşuşykda ýerli “Şagadam” topary paýtagtymyzyň “Aşgabadyny” 1:0 hasabynda ýeňlişe sezewar etdi. Gazanan bu ýeňşinden soň 15 utuk toplan “Şagadam” topary eýeleýän 4-nji ornunda galdy. 10 utugy bolan “Aşgabat” topary 5-nji orny eýeleýär.

Tapgyryň beýleki duşuşygynda “Köpetdag” myhmançylykda “Merwden” 1:0 hasabynda üstün çykdy. Şeýlelikde, 6 utugy bolan “Merw” 7-nji, “Köpetdag” (4 utuk) 8-nji orunlary eýeleýärler. Bu tapgyryň çäginde geçirilmeli “Ahal” – “Arkadag” toparlarynyň arasyndaky duşuşygyň senesi başga wagta süýşürildi.

Çeşme: Türkmenistanyň Futbol Federasiýasy