Düýn, 31-nji maýda Aşgabat şäheriniň Büzmeýin etrabynda futbol boýunça Türkmenistanyň çempionatynyň 11-nji tapgyryny jemleýän merkezi duşuşyk geçirildi. Paýtagtymyzyň ägirtleri bolan «Altyn Asyr» we «Ahal» toparlarynyň arasyndaky bäsleşlik janköýerlere dartgynly pursatlary, derwezelere geçirilen alty toplary we däp bolan gyzgalaňly oýny peşgeş berdi. 3:3 hasabynda bäsdeşlikli deňme-deň tamamlanan oýun iň soňky sekuntlara çenli hemmeleri dartgynlylykda saklady.

Duşuşyk uly tizlik bilen başlady. Baryp, 25-nji minuda çenli «aragatnaşykçylar» Myrat Annaýewiň 3-nji we 25-nji minutlarda geçiren iki toplarynyň saýasynda özlerine artykmaçlyk gazandylar. Emma «Ahal» hem öz güýjüni görkezdi: Magtymberdi Berenow 15-nji we 22-nji minutlarda takyk urgular bilen jogap berdi. Birinji ýarym tamamlanmazdan ozal, «Altyn Asyr» ýene-de öne geçmegi başardy — 37-nji minutda Begençmyrat Myradow garşydaşynyň derwezesine top geçirdi.

Ikinji ýarymda göreşiň gyzgalaňy has-da artdy, bu bolsa duýduryşlaryň köplügine getirdi. Ýer eýelerinden Hoşgeldi Hojowow, myhmanlardan bolsa Nazar Towakelow we iki goluň awtory Magtymberdi Berenow duýduryş aldylar. 71-nji minutda «Ahalyň» düzüminden Ruslan Priýew garşydaşyň derwezesine top geçirip, oýnuň gutarnykly hasabyny (3:3) kesgitledi.

On bir tapgyryň netijeleri boýunça, «Arkadag» futbol topary birinjilikde öňde barýar. «Ahal» ikinji ýerde ýerleşdi. «Altyn Asyr» topary bolsa üçünji orny eýeleýär.