3-nji aprelde Ýokary liganyň futbol toparlarynyň ýaşlar düzümleriniň gatnaşmagyndaky Türkmenistanyň futbol boýunça birinjiliginiň nobatdaky möwsümine badalga berildi.

Aşgabatda geçirilen birinji oýunda «Ahal» toparynyň ýaşlar düzümi «Köpetdag II» toparyndan 4:1 hasabynda üstün çykdy. Oýun gününiň ikinji duşuşygynda «Şagadam II» (Türkmenbaşy şäheri) topary Balkanabat şäheriniň «Nebitçi» toparynyň ýaşlar düzüminden 0:1 hasabynda ýeňlişe sezewar boldy.

4-nji aprelde bu tapgyryň çäginde duşuşyklaryň ikisi geçiriler: «Arkadag II» – «Merw II», «Altyn Asyr II» – «Aşgabat II».