Täze möwsümiň öňüsyrasynda «Nebitçi» futbol topary öz düzümine täze oýunçyny goşandygyny habar berdi.

Balkanabat şäherinden bolan "Nebitçi" toparynyň düzümine paýtagtymyzyň «Aşgabat» toparyndan 26 ýaşly derwezeban Serdar Orazalyýew goşuldy.

Mundan başga-da "Nebitçi" täze möwsüme taýýarlygyň çäklerinde birnäçe üýtgeşmeleri amala aşyrdy. Resmi maglumatlara görä, "Nebitçi" "Ahaldan" hüjümçi Elman Tagaýew, goragçy Alibek Abdurahmanow, ýarymgoragçy Gurban Annaýew hem-de hüjümçi Begenç Mämiýew bilen şertnamalar baglaşdy. Şeýle hem topara goragçy Maksat Çagbalyýew gaýdyp geldi.