Türkmenistanyň «Ahal» futbol topary özüniň baş tälimçisi Welsähet Öwezowy çalşyp, onuň ýerine ozal toparyň ikinji düzümine ýolbaşçylyk eden Eziz Annamuhammedowy belledi.

Öwezowyň ýolbaşçylygynda «Ahal» Türkmenistanyň çempionatynda iki gezek kümüş medalyň eýesi boldy, şeýle hem soňky iki möwsümde Türkmenistanyň Kubogyny almak ugrundaky ýaryşda finala çykmagy başardy. Ol 2024/25 möwsüminiň AFK-2 Çempionlar ligasynyň çäklerinde täjigistanly «Регар-ТадАЗ» toparyndan üstün çykyp, ýaryşyň toparçalaýyn tapgyryna çykdy.

Welsähet Öwezow 43 ýaşynda. Ol 2024-nji ýylyň iýul aýyndan bäri «Ahalyň» baş tälimçisi bolup işledi. Ondan öň toparyň baş tälimçisiniň kömekçisi boldy.