Ýagşygeldi Kakaýew adyndaky Halkara nebit we gaz uniwersitetiniň talyby Begli Hojammaýew Gyrgyzystan Respublikasynyň Yssyk-köl welaýatynyň Çolpon-Ata şäherinde geçirilen VI Bütindünýä Çarwadarlar oýunlarynda bürünç medala eýe boldy. Begli Hojammaýew Energetika we inženerçilik desgalary fakultetiniň 4-nji ýyl talybydyr.

Şu ýyl Bütindünýä Çarwadarlar oýunlaryna dünýäniň 100-den gowrak ýurdundan türgenler gatnaşyp, olar etnosportuň 43 görnüşi boýunça bäsleşdiler. Bu iri halkara sport forumy iki ýyldan bir gezek geçirilip, Merkezi Aziýa halklarynyň medeni mirasyny, milli däp-dessurlaryny we urp-adatlaryny dünýä derejesinde wagyz etmekde möhüm ähmiýete eýedir.