Geçen hepdede «ÝB Türkmenistanda «ýaşyl» ösüşiň ugrunda: syýasy dialog we howa boýunça 2024 — 2029-njy ýyllar üçin işjeňlik» atly taslamanyň çäginde Germaniýanyň Halkara hyzmatdaşlyk boýunça jemgyýetiniň (GIZ) guramagynda «Türkmengaz» döwlet konserniniň Ylmy-barlag tebigy gaz institutynyň Maglumat-seljeriş merkezinde parnik gazlarynyň zyňyndylaryna emeli hemra arkaly gözegçilik etmek üçin ösen tehnologiýalara degişli arkaly onlaýn okuw sapaklary geçirildi. Okuw sapagyna Türkmenistanyň Daşary işler ministrliginiň, Türkmenistanyň Daşky gurşawy goramak ministrliginiň, Türkmenistanyň Energetika ministrliginiň, «Türkmennebit» we «Türkmengaz» döwlet konsernleriniň we Ylmy-barlag tebigy gaz institutynyň hünärmenleri gatnaşdylar.

Onlaýn okuw sapaklarynda GHGSat kompaniýasynyň hünärmenleri Lola Odunsi, Zak Kusnir we Benoit Linselle çykyş etdiler.

Okuw sapagynda, esasan, emeli hemra arkaly gözegçilik üçin ýokary çözgütli esaslary taýýarlamak, emeli hemranyň tehnologiýalaryna we esasy senagat ulanylyşynda giňişleýin synlamagyň tehnologiýasy beýan edildi. Onda GHGSat-yň emeli hemralarynyň maglumatlaryny gaýtadan işlemegiň prosesleri we iň soňky tehnologik ösüşlere çuňňur girişmek hem-de olary gaýtadan işlemek babatynda onuň geçişde anyklanylyşy barada maglumatlar seljerildi. Şeýle hem gatnaşyjylara emeli hemranyň maglumatlaryny awtomatik anyklamagyň usuly, spektral interpretasiýany geçirmegiň tehnologiýasy we hil gözegçiligini amala aşyrmagyň täze tehnologiýalary barada gyzykly maglumatlar berildi.