Ýagşygeldi Kakaýew adyndaky Halkara nebit we gaz uniwersitetiniň Balkanabat şäherindäki şahamçasynyň mugallymlarydyr talyplary Goturdepe nebit-gazly käninde göçme okuw sapagyny geçdiler.

Goturdepe käni Barsagelmez we Çeleken ýataklarynyň arasynda Günbatar türkmen çöketliginiň demirgazygynda ýerleşýär.

Okuw sapagynyň esasy maksady talyp ýaşlaryň nazaryýetde alan bilimlerini önümçilik şertlerinde berkitmekdir.

Talyplar №1425-nji guýusynda geçirilýän abatlaýyş işlerini synladylar, bir gije-gündizde 38 tonna nebit önümlerini çykarýan №415-nji nebitli guýusynyň işleýiş düzgünini öwrendiler.

Mundan başga-da, geljekki nebitgaz pudagynyň hünärmenleri çykarylan nebiti ýitgisiz ýygnamak işinde ulanylýan tilsimatlar bilen ýakyndan tanyşdylar.