«Türkmennebit» döwlet konserni, Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi hem-de «Nebit-gaz» gazeti bilelikde Türkmenistanyň nebitgaz toplumynyň edara-kärhanalarynda zähmet çekýän işgärler üçin döredijilik bäsleşigini yglan etdi.

Bäsleşigiň ady: «Türk­me­nis­tan — be­dew bat­ly at-my­radyň mekany».

Bäsleşige gatnaşmaga isleg bildirýänler Türkmenistanyň Garaşsyzlyk ýyllarynda gazanan üstünliklerini hem-de hormatly Prezidentimiziň halkymyzyň ruhy baýlygyny has-da kämilleşdirmekde durmuşa geçirýän beýik iş­le­ri ha­kyn­da ýa­zy­lan iň go­wy maka­la­la­ry, oçerk­le­ri, fo­to­re­por­taž­la­ry, goşgulary, hekaýalary taýýarlamaly.

Döredijilik bäsleşigi 2026-njy ýylyň dowamynda geçiriler. Onuň netijeleri bolsa her ýyl 14-nji dekabrda bellenilip geçilýän Türkmenistanyň Nebitgaz senagaty we geologiýa işgärleriniň gününiň öňüsyrasynda belli bolar.

Bäsleşige gelen materiallar onuň jemi jemlenýänçä «Nebit-gaz» gazetinde «Türk­me­nis­tan — be­dew bat­ly at-my­radyň mekany» atly şygar bilen yzygiderli çap ediler.

Taýýarlanylan işleri Aşgabat şäheriniň Arçabil şaýolunyň 58-nji jaýynda ýerleşýän «Nebit-gaz» gazetiniň redaksiýasyna ýollamaly. Gatnaşyjylar öý salgysyny, işleýän ýerini, wezipesini, telefon belgisini görkezmeli.

Telefon belgisi: (+993 12) 44-08-40.

Faks: (+993 12) 44-19-13.

E-mail: nebit-gazgazeti@oilgas.gov.tm