Halkara awtomobil ulaglary birleşiginiň (IRU) Baş sekretary Umberto de Pretto «Türkmentel – 2025» Halkara maslahatynyň we ulag geçelgeleri boýunça maslahatyň umumy mejlisine gatnaşyjylara wideoýüzlenme bilen çykyş etdi.
IRU-nyň ýolbaşçysy Türkmenistanyň ýolbaşçylarynyň ýurduň tranzit mümkinçiliklerini we logistika tejribesini ösdürmekdäki öňdengörüjiligine, şeýle hem BMG-niň çäginde ulag meselelerini dünýä derejede ilerletmekdäki işjeň ornuna ýokary baha berdi. De Pretto Türkmenistanyň özüniň THADA assosiasiýasynyň üsti bilen IRU-nyň dünýä maşgalasyna agzalygyny aýratyn nygtady.
De Pretto 3,5 milliondan gowrak awtomobil ulag operatorlarynyň dünýä sesi bolan IRU, utgaşdyrylan halkara gurallaryny ulanmakda Türkmenistany beýleki ýurtlar üçin nusga hökmünde belledi. Ýurt onlarça ýyl bäri Merkezi Aziýada TIR ulgamyny ulanmakda, soňky döwürde bolsa ony doly sanlylaşdyrmakda öňdebaryjy bolup durýar.
TIR ulgamynyň artykmaçlyklaryny mundan beýläk-de ulanmak üçin Türkmenistan ähli esasy serhet geçelgelerinde TIR ýük awtoulaglary üçin ileri tutulýan zolaklary belledi.
Umberto de Pretto Türkmenistanyň BMG-däki liderligini aýratyn belledi. Muňa mysal edip, ol Türkmenistanyň başlangyjy bilen BMG-niň Baş Assambleýasynyň her ýyl 26-njy noýabrda bellenilýän Bütindünýä durnukly ulag gününi döretmek hakyndaky kararnamasynyň kabul edilendigini aýtdy.
