S&P Global Energy kompaniýasynyň Platts baha seljermesine görä, halkara tanker gatnawlarynyň çykdajylarynyň ýokarlanmagy Gaýanada öndürilýän çig nebit görnüşleriniň eksport bahalaryna täsir etdi.
9-njy oktýabrda Payara Gold görnüşli nebitiň FOB şertlerindäki bahasy Dated Brent baha görkeziji derejesinden bir barrel üçin 16,05 ABŞ dollary arzan hasaplandy.
Platts tarapyndan hasaba alnan bu baha tapawudy bir günüň dowamynda ýene 6,55 ABŞ dollary giňeldi we 2023-nji ýylyň dekabr aýynda degişli baha gözegçiligi başlanaly bäri iň ýokary arzanladyş derejesine ýetdi.
Seljermede tanker gatnawlarynyň bahasynyň ýokarlanmagy bilen eksport edilýän nebitiň bäsdeşlige ukyplylygynyň arasynda gönüden-göni ykdysady baglanyşygyň bardygy bellenilýär.
Bu ýagdaý nebit eksportynda logistika çykdajylaryny, gämi gatnawlarynyň mümkinçiliklerini we üpjünçilik şertlerini bilelikde seljermegiň ähmiýetini görkezýär.
